Horiso 23:1 - Sơ̆p Hlabơar Nơ̆r 'Bok Kei-Dei

¹ Kră Yang Tơ'ngla wei-lăng inh, inh ưh kơ khăi kơ kiơ.

Horiso 23:1 Referans Kwoze

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Yo 10:11

“Inh bơngai wei triu 'lơ̆ng tơpăt. Inh chu lôch yua kơ triu Inh.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Yo 10:14

Gah Inh bơngai wei triu 'lơ̆ng tơpăt păng brĕ tơpă. Inh băt kơ triu Inh, triu Inh băt kơ Inh mơ̆n,

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Horiso 78:52

Mă-lei sư chông ba kon pơlei Sư lĕch thoi triu, Chông ba lu sư thoi khŭl triu rok char glă.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Horiso 79:13

Gah lu nhôn jing kon pơlei pơla Ih păng jing triu lăm tơmăn 'nhĕt Ih. Lu nhôn gô bơnê kơkuh kơ Ih ling-lang. Lu nhôn gô hơri bơnê kơ Ih ling-lang hlŏng hloi.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.