Horiso 22:7 - Sơ̆p Hlabơar Nơ̆r 'Bok Kei-Dei

⁷ Dah bu 'bôh inh lu sư hiĕk ăr. Lu sư gô pơpơm 'bơ̆r cheng păng tơtreh kơ̆l na khan:

Horiso 22:7 Referans Kwoze

Markôs 15:29

Lu đe mă brŏk năm trong ei tơtreh kơ̆l tơhmăi Yêsu khan: “Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr.

Horiso 109:25

Inh jing bơngai lu sư pơjăm. Mưh 'bôh inh lu sư tơtreh kơ̆l.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Markôs 15:20

Lu sư che bơle đang boih na plôh ao tai 'brê noh, pơhrŭk ăn ao Sư kơdih dơ̆ng. Đơ̆ng noh lu linh anhăk Yêsu năm pơ̆ng pơlôch tơ 'long pơglang.

Mathiơ 27:29

Păng lu sư iŏk tơlei jơla chuă pơm agăl na pơyơ̆l tơ kơ̆l Yêsu. Lu sư iŏk 'long jra ăn kơ Sư chĕp gah 'ma, na lu linh ei pơm sơtơ̆p kŭl-tăng kơkuh pơngiĕl kơ Sư, lu sư khan: “Kơkuh kơ Ih 'Bok Pơtao bơngai Juđê.”

Horiso 44:14

Ih pơm kơ lu nhôn jing đe pơjăm pơđơ̆k tơ jơ̆p teh đak, Kon pơlei, 'bôh nhôn tơtreh kơ̆l.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Êsai 57:4

Lu iĕm hiĕk che bơle kơ bơngai bu? Lu iĕm ha 'bơ̆r să. Liĕl hơpiĕt iĕm pơpơm kơnê̆ pơjăm bu? Lu iĕm ưh kơ băt iĕm kon sâu bơngai kơnê̆ pơma hơlĕnh hă?

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Horiso 31:18

Pơm bĕ kơ 'bơ̆r lu bơngai hơlĕnh kơmlo. Lu nơ̆r pơang, lu sư pơma pơjăm lu bơngai tơpăt.

Jop 16:10

Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Jop 16:4

Tơdah iĕm đei tơdrong gleh truh thoi inh. Inh kư̆m gơh pơma thoi iĕm mơ̆n; trŏ kơ inh kư̆m gơh pơma hil plơ̆ kơ iĕm păng tơtreh kơ̆l kơ iĕm.

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.