Horiso 22:30 - Sơ̆p Hlabơar Nơ̆r 'Bok Kei-Dei

³⁰ Minh adrĕch adrung gô bơ̆jang kơ Sư; Đe gô roi tơdrong Kră Yang kơ adrĕch adrung đơ̆ng rŏng.

Horiso 22:30 Referans Kwoze

Hêbrơ 2:13

Sư khan dơ̆ng thoi âu: “Inh gơnang kơ Ih tơpă.” Sư kư̆m khan dơ̆ng thoi âu: “Inh oei hơdai hăm lu kon Inh mă đơ̆ng Ih pơjao.”

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Horiso 102:28

Lu kon sâu đĭch đam Ih oei đei ling-lang. Adrĕch adrung lu sư đei pơjing rai kơjăp 'bơ̆t anăp Ih.

Horiso 87:6

Kră Yang gô chih anăn lu kon pơlei lăm sơ̆p hla bơar na Sư gô jô̆: “Âu đe tơpŭ kơ sư tơ Siôn.” Sêla

Horiso 73:15

Dah inh đei khan: “Inh gô pơma thoi âu,” Lei inh pơm ưh kơ tơpăt kơ lu adrĕch adrung kon pơlei Ih boih.

Horiso 24:6

Noh boih adrĕch adrung lu bơngai chơchă Kră Yang, Wă khan lu bơngai chơchă muh măt Kră Yang 'Bok Kei-Dei Jakôp.a Sêla

Horiso 14:5

Lu sư gô đei tơdrong hli krưp tơpă, Yua kơ Kră Yang 'Bok Kei-Dei oei hơdai hăm lu bơngai tơpăt.