Horiso 20:9 - Sơ̆p Hlabơar Nơ̆r 'Bok Kei-Dei

⁹ Ơ Kră Yang, tơgŭm bĕ 'Bok Pơtao! Apinh tơl tơwih ăn kơ lu nhôn, dah lu nhôn krao apinh.

Horiso 20:9 Referans Kwoze

Horiso 5:2

Ơ Pơtao inh, Kră Yang 'Bok Kei-Dei inh, apinh mơ̆ng nơ̆r inh krao khan, Yua kơ inh krao apinh Ih.

Horiso 44:4

Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Horiso 74:12

Mă-lei Kră Yang 'Bok Kei-Dei jơ̆ pơtao inh đơ̆ng sơ̆. Oei dŏng pơklaih tơ jơ̆p kơ teh đak.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Horiso 24:7

Ơ lu 'măng jang hiŏng kơ̆l ih bĕ! Ơ lu 'măng mă oei oei ling-lang, pơih kơjung bĕ! Na pơtao ư-ang gô mơ̆t,

Horiso 17:6

Ơ Kră Yang 'Bok Kei-Dei, inh Krao apinh Ih, Yua kơ Ih gô tơl tơwih nơ̆r inh krao khan. Apinh Ih pơgling đon mơ̆ng inh krao khan.

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.