Horiso 20:3 - Sơ̆p Hlabơar Nơ̆r 'Bok Kei-Dei

³ Apinh Kră Yang 'blŏk kơ dôm tơmam ih soi. Păng iŏk dôm tơmam soi pơyơ̆r. Sêla

Horiso 20:3 Referans Kwoze

Horiso 51:19

Dang ei Kră Yang lăp đon kơ tơmam soi 'lơ̆ng tơpăt. Tơmam soi 'buh păng tơmam soi pơyơ̆r 'buh pơkhôi đĭ akâu, Dang ei rơmo dăm gô pơyơ̆r tơ kơpal chơnang soi Ih.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

II Ho 7:1

Đang kơ Sôlômôn krao khan Kơplah noh đei ŭnh đơ̆ng plĕnh jruh soh sa tơmam soi 'buh păng lu tơmam soi pơyơ̆r; tơdrong ư-ang rang mơnhal Kră Yang jur mơ̆t 'bĕnh kơ hnam akŭm.

Bl 4:4

Abel kư̆m pơyơ̆r kon triu tuh blŭng-a hăm rơmăa sư kơ Kră Yang 'Bok Kei-Dei, Kră Yang lăng gah Abel păng iŏk tơmam soi sư.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

I Ho 21:26

Đawit pơm minh pôm chơnang soi kơ Kră Yang tơ noh păng pơyơ̆r tơmam soi 'buh păng pơyơ̆r tơmam soi apinh hiôk hiam, krao apinh Kră Yang, Kră Yang tơl tơwih kơ sư hăm ŭnh đơ̆ng plĕnh huŏng 'bơ̆t kơpal chơnang soi pơyơ̆r tơmam soi 'buh.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Horiso 128:5

Hơpơi kơ Kră Yang đơ̆ng Siôn ăn pŭn hiôk kơ ih. Hơpơi lăm đĭ chăl arih ih 'bôh dôm tơdrong pŭn hiôk Jêrusalem.

Horiso 134:3

Apinh Kră Yang, Tơ'ngla pơjing plĕnh teh Đơ̆ng Siôn gô ăn tơdrong pŭn hiôk kơ iĕm.