Horiso 2:10 - Sơ̆p Hlabơar Nơ̆r 'Bok Kei-Dei

¹⁰ Thoi noh, ơ lu pơtao, tơchĕng bĕ mă hơgei; Ơ kră Pơgơ̆r lăm teh đak, athei bơtho tơ'bôh bĕ.

Horiso 2:10 Referans Kwoze

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Horiso 45:12

Kon adruhh Tir gô năm ba ăn tơmam, Păng lu bơngai mơdrŏng hloh lăm kon pơlei gô năm apinh tơdrong mơnat ih.

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Sa 14:17

Lăm lu adrĕch adrung kon bơngai kơpal teh, lu đe mă ưh kơ đei tŏk tơ pơlei Jêrusalem wă năm kơkuh kơ pơtao, wă khan Kră Yang Tih Hloh, 'mi ưh kơ đei truh tơ lu sư.