Horiso 18:50 - Sơ̆p Hlabơar Nơ̆r 'Bok Kei-Dei

⁵⁰ Kră Yang ăn kơ pơtao Sư jei jơneig tih tơpă, Sư ăn tơdrong mơnat kơ bơngai mă Sư tuh đak rơmă, kơ Đawit, Păng kơ lu kon, sâu sư ling-lang hloi.

Horiso 18:50 Referans Kwoze

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

Horiso 132:10

Yua kơ Đawit, đĭch đam Ih, Ih 'nĕ kơ sơngah ôh kơ bơngai mă Ih đei tuh đak rơmă.

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

I Ho 17:27

Ih hiôk ăn tơdrong pŭn hiôk kơ hnam đĭch đam Ih, wă kơ sư gơh oei đei ling-lang khŏm khŏm 'bơ̆t anăp Ih, yua kơ, ơ Kră Yang, tơmam kiơ ih ăn pŭn hiôk, gô đei pŭn hiôk ling-lang khŏm khŏm!”

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

Horiso 57:10

Yua kơ tơdrong 'mêm mơnat Ih truh tơ plĕnh. Tơdrong 'lơ̆ng tơpăt Ih kơjung truh tơ hơmơ̆l.