Horiso 18:38 - Sơ̆p Hlabơar Nơ̆r 'Bok Kei-Dei

³⁸ Inh 'bet lu sư mah klĕch dĭng lu sư mah pă kĕ iung dơ̆ng, Lu sư pơ̆k hloi tơ ala jơ̆ng inh.

Horiso 18:38 Referans Kwoze

Horiso 47:3

Sư pơm ăn kơ lu kon pơlei pơla, chu yom kơ lu nhôn. Păng pơm ăn kơ đĭ teh đak drap ala jơ̆ng lu nhôn.

Horiso 36:12

Toc lu bơngai pơm kơnê̆ gô pơ̆k huŏng. Đe gô tơlơ̆ pơ̆k, ưh pă kĕ iung dơ̆ng.

II Sam 22:39

Inh pơlôch đĭ lu sư teh pơrăm lê̆ lu sư. Lu sư ưh kơ kĕ kơ iung dơ̆ng lu sư pơ̆k 'bơ̆t ala jơ̆ng inh.

I Sam 30:17

Đawit blah lu sư đơ̆ng pơgê hrôih năr 'noh truh tơ kơsơ̆ năr đơ̆ng rŏng; na ưh kơ đei minh 'nu bơngai bu lĕch hlôi. Lăp puăn-hrĕng 'nu bơngai tơdăm mơlôh gơh klaih hao aseh lăk-đa kơdâu ôn.

I Sam 23:5

Đawit jur năm hăm bơngai kiơ̆ sư truh tơ pơlei Kêila, tơblah hăm kon pơlei bơngai Philistin, pơm ăn kơ lu sư kĕ jei tih, 'noh boih, Đawit dŏng pơklaih kon pơlei Kêila thoi noh.

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.