Horiso 18:28 - Sơ̆p Hlabơar Nơ̆r 'Bok Kei-Dei

²⁸ Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Horiso 18:28 Referans Kwoze

Jop 29:3

Lăm kơplah ŭnh kơđeng Kră Yang oei pơchrang hơdah kơpal kơ̆l inh. Đơ̆ng tơdrong hơdah Kră Yang na inh năm hlôi kơ măng mu.

II Sam 22:29

Ơ Kră Yang Ih jơ̆ ŭnh kơđeng inh, pơchrang lăm jơhngơ̆m inh puh tơweh lê̆ măng mu tơdrong yoch păng tơdrong lôch.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Tơdrông Pơđơk 20:27

Bơhngol lăm kon bơngai noh ŭnh kơđeng Kră Yang. Wă chă lăng păng nhơk tơ anih hlơp lăm jơhngơ̆m.

Horiso 112:4

Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Jop 18:6

Hơdah lăm bơsŭn sư gô măng mu, ŭnh kơđeng 'bơ̆t kơ̆l sư đe gô tơpăt.

I Pot 15:4

Mă-lei yua kơ Đawit, na Kră Yang 'Bok Kei-Dei ăn kơ sư minh pôm ŭnh kơđeng lăm pơlei Jêrusalem, ăn kơ kon drŏ-nglo sư pơgơ̆r pơtrơp sư, pơm ăn kơ pơlei Jêrusalem oei kơjăp,

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.