Horiso 18:21 - Sơ̆p Hlabơar Nơ̆r 'Bok Kei-Dei

²¹ Yua kơ inh wei răk kiơ̆ trong Kră Yang, Ưh kơ đei pơm kơnê̆ achăng lê̆ Kră Yang 'Bok Kei-Dei inh.

Horiso 18:21 Referans Kwoze

Horiso 119:102

Inh ưh kơ đei achăng lê̆ nơ̆r tơtă Ih. Yua kơ Ih kơdih đei bơtho tơ'bôh kơ inh.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Tơdrông Pơđơk 8:32

Dang ei, ơ dăm, mơ̆ng bĕ nơ̆r Inh; Pŭn hiôk tơpă bơngai bu oei rok kiơ̆ trong inh.

Horiso 26:1

Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

Horiso 17:4

Gah tơdrong jang kon bơngai pơm, đơ̆ng nơ̆r 'bơ̆r Ih khan, na inh gơh klaih huay kơ kiơ̆ lu trong bơngai kơnê̆.

II Ho 34:33

Jôsia iŏk hŭt lê̆ đĭ dôm rup yang kơnê̆ 'mê̆ Krưp đơ̆ng lăm tơring char Isơrael păng athei đĭ-đăng kon pơlei oei lăm tơring char Isơrael kơkuh gơnang kơ Kră Yang 'Bok Kei-Dei. Lăm đĭ chăl pơtao lu kon pơlei ưh kơ achăng lê̆ Kră Yang, 'Bok Kei-Dei 'bok lu sư.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

II Ho 20:32

Sư yak pơm kiơ̆ trong 'bă sư Asa, sư ưh kơ weh yak trong nai ôh; sư pơm 'lơ̆ng trŏ 'bơ̆t anăp Kră Yang.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.