Horiso 18:20 - Sơ̆p Hlabơar Nơ̆r 'Bok Kei-Dei

²⁰ Kră Yang apah inh boih. Kiơ̆ thoi tơdrong tơpăt inh; sư pơdrâu tơwih kơ inh kiơ̆ thoi đêl ti inh rơgoh.

Horiso 18:20 Referans Kwoze

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

I Kor 3:8

Bre bơngai pơtăm păng pruih đak bre sư lei-lăi đĕch. 'Bok Kei-Dei apah bre sư kiơ̆ kơ tơdrong jang.

Mathiơ 6:4

Iĕm thĕng đĕch mă-lei 'Bă bơ̆n tơ plĕnh ti 'bôh boih tơdrong iĕm pơm 'noh, thoi noh na Sư gô bơnê kơ iĕm tơpă.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Êsai 49:4

Mă-lei inh khan: “Inh jang gleh lap hŭt đĕch. Inh huach jơhngơ̆m ưh kơ yua păng tơdrong kơ đei. Mă-lei tơpă tơdrong tơpăt inh tơ lăm Kră Yang, tơdrong apah bơnê inh tơ lăm Kră Yang 'Bok Kei-Dei inh.”

Jop 22:30

Sư dŏng pơklaih lu bơngai ưh kơ yoch; Păng ih gô đei dŏng pơklaih tơdah ti ih 'lơ̆ng rơgoh.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Horiso 18:24

Thoi noh, Kră Yang tơwih pơdrâu kơ inh kiơ̆ thoi tơdrong tơpăt inh, Apah inh kiơ̆ thoi tơdrong rơgoh đơ̆ng ti inh 'bơ̆t anăp Sư.

Horiso 7:8

Kră Yang tih hloh, sek tơlang kơ kon bơngai. Ơ Kră Yang, apinh Ih sek tơlang kơ inh, kiơ̆ thoi tơdrong tơpăt, păng kiơ̆ tơdrong rơgoh sĭt lăm jơhngơ̆m inh.

Horiso 7:3

Ơ Kră Yang Kră Yang 'Bok Kei-Dei inh; dah inh pơm boih dôm tơdrong noh, Păng đei pơm kơnê̆ đơ̆ng ti inh;

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

Jop 36:16

Kră Yang 'Bok Kei-Dei dui ih lĕch đơ̆ng anih pơmat-tat. Năm tơ anih rơhơi, jơhngơ̆m ưh pă đei hrăt-hrot. Gơ'bang ih 'bĕnh kơ tơmam sa 'băt nham.

Horiso 31:9

Ơ Kră Yang! Mơnat bĕ kơ inh, yua kơ inh rŭng răng. Măt inh hrŏ yua kơ ơh sơ'ngon. Bơhngol păng akâu jăn inh kư̆m lei-lăi.

Horiso 118:5

Lăm năr pơmat-tat inh krao apinh Kră Yang; Kră Yang tơl tơwih nơ̆r inh Ăn kơ inh rơngei.a