Horiso 18:13 - Sơ̆p Hlabơar Nơ̆r 'Bok Kei-Dei

¹³ Kră Yang Sư pơm grơ̆m glaih tơ kơpal plĕnh. Kră Yang kơpal hloh ăn kơ đe kơtơ̆ng nơ̆r Sư. Tơ lăm 'mi prĕl hăm ngar ŭnh ngŭr

Horiso 18:13 Referans Kwoze

Horiso 104:7

Ih hil chrih đak tơrơ hloi kơtơ̆ng jơwa grơ̆m Ih đak kơdâu ôn đĭ

I Sam 7:10

Kơplah Samuel oei pơyơ̆r tơmam soi 'buh lu bơngai Philistin năm blah lu bơngai Isơrael. Mă-lei lăm năr ei Kră Yang ăn grơ̆m glaih jruh tơ bơngai Philistin, pơm kơ lu bơngai Philistin hli tơrơ kơdâu tơklah tơklang.

Horiso 140:10

Ăn ngar ŭnh ngŭr tuh kơpal lu sư! Ăn đe klơ̆m tơhuŏng lu sư lăm ŭnh, lăm sơlŭng jrŭ, ưh pă gơh tŏk dơ̆ng!

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Tơdrông Tơ'bôh 8:5

Klaih kơ noh sư kep iŏk ŭnh ngar đơ̆ng chơnang soi tah lăm kơlăm maih klơ̆m hloi tơ teh, na đei grơ̆m glaih tơdrăng kơmlat kơchêr kơchar păng đei teh adrŏ mơ'nưt mơ'nat.

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.

Yo 12:29

Lu bơngai tơpôl oei 'bơ̆t ei kơtơ̆ng nơ̆r 'noh, lu mơ'nah khan grơ̆m, lu mơ'nah dơ̆ng khan linh jang 'lơ̆ng 'Bok Kei-Dei pơma păng Yêsu.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Êsêkiên 10:5

Re jơwa đơ̆ng pơnăr chêrubim tơtuh đe kơtơ̆ng truh tơ cham 'nguaih, re thoi nơ̆r Kră Yang 'Bok Kei-Dei Tih Hloh pơma.

Horiso 78:48

Sư pơrăm sem dơrong lu sư hăm 'mi prĕl. Păng khŭl triu lu sư ăn kơ grơ̆m glaih.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 9:24

Đei 'mi prĕl jruh tih tơpă păng glaih taih rŏng anăp, kư̆m dêh, đơ̆ng sơ̆ khơ̆ tơ dang ei lăm dêh char Êyiptơ tam mă đei tơdrong truh thoi noh.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.