Horiso 17:3 - Sơ̆p Hlabơar Nơ̆r 'Bok Kei-Dei

³ Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Horiso 17:3 Referans Kwoze

Horiso 26:2

Ơ Kră Yang! Lăng lăng păng pơlong lăng inh. Lăng năng jơhngơ̆m inh păng đon inh tơchĕng

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Horiso 139:1

Ơ Kră Yang, Ih đei lăng lăng inh boih păng băt kơ inh.

Horiso 119:106

Inh đei pơkăm păng wei răk nơ̆r pơkăm. Inh gô kiơ̆ nơ̆r Ih tơtă tơpăt,

Horiso 66:10

Yua kơ, ơ Kră Yang 'Bok Kei-Dei ih pơlong lăng lu nhôn thoi rơ̆ Hu.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Hôsia 7:6

Lu sư pơgơ̆p jơhngơ̆m lu sư wă pơm kơnê̆ tơtŏ thoi tơnuh ŭnh; lu bơngai 'buh 'bĕng, khưi prăt măng bơngai 'buh 'bĕng tep truh pơgê hrôih na tơnuh ŭnh khơ̆ng thoi pla ŭnh.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Tơdrông Pơđơk 13:3

Bơngai bu gơh wei nơ̆r kơdih, bơngai noh gơh wei tơdrong arih sư; Bơngai bu ha 'bơ̆r kư̆ kă tă kơ răm ngăl.

Horiso 16:7

Inh bơnê ư-ang kơ Kră Yang, Tơ'ngla bơtho tơ'bôh ăn kơ inh. Kơmăng jơhngơ̆m inh kư̆m bơtho inh.

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Jop 24:14

'Nao 'brưch bơngai pơlôch đe iung, pơlôch lu bơngai dơnuh hin păng hoh răm; Tơ kơmăng lu sư thoi lĕ bơngai tơtông.

I Sam 26:23

Kră Yang gô apah ăn kơ rim 'nu, kiơ̆ thoi tơdrong 'lơ̆ng tơpăt đơ̆ng sư pơm. Năr 'nâu Sư pơjao ih lăm tơpang ti inh, mă-lei inh ưh kơ wă pơm kơ yŏng tơ'ngla inh mă đơ̆ng Kră Yang tuh ăn đak rơmă.

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

I Kor 4:4

Inh lăng inh kơdih khan ưh kơ đei tơdrong kơnê̆ kiơ ră, mă tơpă inh ưh kơ băt tơpă ôh, pôm 'Bok Kei-Dei đĕch gơh băt sek tơdrong inh.

I Sam 26:11

Mă-lei Kră Yang wei inh, ưh kơ ăn tơpang ti inh pơlôch bơngai mă đơ̆ng Kră Yang tuh ăn đak rơmă! Inh apinh ih iŏk tơpu hăm get đak đơ̆ng kơ̆l giơng sư hăm get đak sư, đơ̆ng noh ba weh.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Horiso 139:23

Ơ Kră Yang 'Bok Kei-Dei, apinh Ih lăng lăng inh păng băt kơ jơhngơ̆m inh. Pơlong lăng inh bĕ păng băt kơ tơdrong tơchĕng inh;

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!