Horiso 17:14 - Sơ̆p Hlabơar Nơ̆r 'Bok Kei-Dei

¹⁴ Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Horiso 17:14 Referans Kwoze

Jop 22:18

Mă-lei ră Kră Yang đei ăn kơ hnam lu sư 'bĕnh kơ tơmam 'lơ̆ng: Tơdrong lu bơngai kơnê̆ wă pơm weh ataih đơ̆ng inh!

Yo 17:14

Inh bơtho ăn kơ lu sư tơdrong Ih pơkă, na lu bơngai ala teh hil areh kơ lu sư, kơlih kơ lu sư ưh kơ sĭ bơngai đơ̆ng ala teh âu, kư̆m thoi Inh ưh kơ sĭ bơngai đơ̆ng ala teh âu mơ̆n.

Yo 15:19

Dah iĕm khŭl bơngai ala teh âu, lei tơduă iĕm ala teh âu 'mêm mơnat dih băl. Mă-lei Inh rơih iŏk iĕm đơ̆ng khŭl ala teh âu na lu sư lăng iĕm thoi lĕ ưh kơ dih bôl. Kơlih kơ thoi noh na lu sư hil areh kơ lu iĕm.

Yo 8:23

Na Yêsu khan kơ lu sư: “Iĕm bơngai đơ̆ng ala teh âu, Inh bơngai đơ̆ng kơpal plĕnh ti.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

Horiso 73:12

Lu bơngai kơnê̆ thoi noh, Lu sư oei hiôk-hian rai mơdrŏng dêh.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Jop 21:21

Yua kơ lu sư ưh kơ tơtăm kiơ truh kơ hnam dơnŏ, Đơ̆ng rŏng kơ lu sư lôch.

Jop 12:9

Lăm lu sem brem 'nâu, sem brem ayơ mă khan ưh kơ băt kơ đơ̆ng ti Kră Yang 'Bok Kei-Dei pơm ngăl dôm tơmam 'noh?

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Mathiơ 13:44

“Tơdrong 'Bok Kei-Dei pơgơ̆r bơ̆n kư̆m thoi tơmam đe gĭt 'bŭ ôn lăm teh. Đei minh 'nu bơngai nai 'bôh tơmam đe 'bŭ tơ mir noh na sư gơlơ̆p tơmam noh păng teh wă kơ hrĕp. Jơhngơ̆m sư hiôk dêh. Sư brŏk tơ hnam tĕch đĭ dôm mŭk tơmam sư na răt mir đe 'noh.

Tơdrông Pơđơk 2:4

Tơdah ih chơchă sư thoi chă jên kăk, Păng chă sư thoi tơmam gĭt khăi,