Horiso 147:2 - Sơ̆p Hlabơar Nơ̆r 'Bok Kei-Dei

² Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Horiso 147:2 Referans Kwoze

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Both 30:3

Na Kră Yang 'Bok Kei-Dei iĕm gô dŏng pơklaih iĕm đơ̆ng pơm đĭch păng gô chông ba iĕm brŏk. Kră Yang gô mơnat păng akŭm pơpôi lu iĕm đơ̆ng rim anih mă Sư pơm kơ iĕm tơklah tơklang.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Êsai 62:7

Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Êsai 14:32

Wă tơl tơwih liơ kơ bơngai pơtruh nơ̆r đơ̆ng minh pôm teh đak? Tơl tơwih khan: “Kră Yang pơjing kơjăp bơih Siôn păng lu kon pơlei Sư mă ơh sơ'ngon pơmat-tat gô kơ'nơp lăm noh.”

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Ne 7:4

Pơlei tih să rơhơi, mă-lei kon pơlei oei lăm noh tŏ sĕt đĕch păng tam mă pơm hnam 'nao.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Ne 6:15

Thoi noh, năr 'bar-jĭt pơđăm khei Êlun dur pơlei man hơmet keh, đĭ pơđăm-jĭt 'bar năr.

Ne 6:16

Tơdah lu bơngai ayăt kơ lu nhôn băt dôm tơdrong noh, na lu kon pơlei oei tăp dăr kơ lu nhôn kư̆m hli tơrơ păng jơhngơ̆m ưh kơ hiôk; yua kơ lu sư băt tơdrong jang âu gơh keh jing đơ̆ng Kră Yang 'Bok Kei-Dei lu nhôn.

Horiso 102:17

Sư gô mơ̆ng nơ̆r lu bơngai pơmat-tat krao khan. Ưh kơ đei pơdê lê̆ dôm nơ̆r lu sư apinh.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Mi 4:6

Kră Yang khan: Lăm năr noh Inh gô akŭm pơpôi lu bơngai jo jăn păng sơng iŏk lu bơngai mă đe pơpuh tơweh. Lu bơngai mă Inh đei pơm ăn lu sư ơh sơ'ngon.

Sa 8:7

Kră Yang Tih Hloh khan thoi âu: “'Nâu Inh gô dŏng pơklaih kon pơlei Inh đơ̆ng gah hơlĕch gah bơmơ̆t,