Horiso 145:9 - Sơ̆p Hlabơar Nơ̆r 'Bok Kei-Dei

⁹ Kră Yang, pơm 'lơ̆ng kơ đĭ-đăng kon bơngai. Tơdrong Sư 'mêm mơnat rim kơ tơmam đêl Sư pơjing;

Horiso 145:9 Referans Kwoze

Na 1:7

Kră Yang 'lơ̆ng rŏ, jing kơđông kơ'nơp kơjăp lăm năr đei tơdrong gleh truh păng Sư băt kơ dôm lu bơngai kơ'nơp lăm Sư.

Horiso 100:5

Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

Jôna 4:11

Na Inh ưh kơ 'mêm kơ pơlei Niniwe ôh hă, lăm noh đei hloh kơ minh-hrĕng 'bar-jĭt rơbâu kơ̆l kon bơngai ưh kơ băt ti gah 'ma liơ dah ti gah 'ngiĕo liơ păng kư̆m đei lơ sem dơrong hai?

Horiso 104:27

Đĭ-đăng lu sem brem chang gô Ih ăn tơmam sa kơ lu sư kiơ̆ kơ lăp.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Horiso 25:8

Kră Yang 'lơ̆ng rŏ păng tơpăt. Yua kơ thoi noh Sư gô bơtho tơ'bôh trong kơ lu bơngai yoch.

Bl 9:10

Păng lu kon sem mă oei arih hơdai iĕm, lu sem păr, mă lu sem dơrong, lu sem bri oei kơpal teh, wă khan đĭ lu kon sem brem mă 'nao lĕch đơ̆ng duk mă truh tơ kon sem brem oei kơpal teh.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.