Horiso 145:4 - Sơ̆p Hlabơar Nơ̆r 'Bok Kei-Dei

⁴ Adrĕch chăl âu gô roi ư-ang kơ tơdrong jang Ih kơ jơhnơr đơ̆ng rŏng păng roi tơbăt tơdrong mơsêh Ih.

Horiso 145:4 Referans Kwoze

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Esther 9:28

Wă kơ đe 'blŏk hơdơ̆r kơ năr noh lăm đĭ jơhnơr, đĭ-đăng adrĕch adrung păng jơ̆p kơ dêh char, rim pơlei, wă kơ năr Purim âu ưh kơ đei bu hiơt lăm adrĕch Juđa păng kư̆m ưh kơ tơhiong lê̆ ôh lăm kon sâu se lu sư.

Jop 8:10

Mă-lei lu 'bok kră sơ̆ lu sư gô bơtho tơ'bôh kơ ih, mơ̆ng bĕ dôm tơdrong kiơ đêl lu sư băt hlôh,