Horiso 145:12 - Sơ̆p Hlabơar Nơ̆r 'Bok Kei-Dei

¹² Wă kơ kon bơngai băt. Tơdrong jang mơsêh Ih. Păng tơdrong 'lơ̆ng rŏ krưp mơsêh dêh char Ih.

Horiso 145:12 Referans Kwoze

Horiso 105:1

Bơnê ư-ang bĕ kơ Kră Yang. Krao apinh pao anăn Sư bĕ. Ră roi bĕ kơ lu kon pơlei pơla dôm tơdrong jang Sư pơm boih.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Horiso 111:6

Sư đei tơ'bôh boih kơ kon pơlei Sư, tơdrong jang mơsêh pran kơtang Sư. Jao ăn kơ lu sư teh jang sa tơ dêh char đe.