1 Kơkuh bơnê bĕ kơ Kră Yang jơ̆ Tơmo Tih inh! Sư pơjuăt ti inh wă kơ tơblah, pơhrăm hơnglâu ti inh gơh tơblah.
Sư pơhrăm ti inh tơblah, Na kơkŏng inh kĕ gŭt hră kong
Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.
Kră Yang pơjuăt ti inh gơh tơblah tơpang ti inh kĕ gŭt hră kong.
Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,
Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.
Đơ̆ng Kră Yang 'Bok Kei-Dei lu bơ̆n gơh kĕ jei; Yua kơ sư gô juă bơhlơ̆r lu ayăt kơ nhôn.
'Nguaih kơ Kră Yang, Bu dơ̆ng Kră Yang 'Bok Kei-Dei? 'Nguaih kơ Kră Yang 'Bok Kei-Dei, bu dơ̆ng thoi Tơmo tih?
Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;
Ih thoi tơmo tih, anih inh kơ'nơp; tơ lăm noh ling-lang; Ăn nơ̆r tơtă wă pơklaih inh. Yua kơ Ih jơ̆ kơđông păng tơmo pĕng inh.
Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.
Êlisê khan dơ̆ng kơ pơtao Isơrael: “Gŭt bĕ hră ih.” Na pơtao gŭt hĭ hră hloi. Đơ̆ng noh Êlisê dan ti sư kơpal ti pơtao ei,
Kră Yang trŏ kơ bơ̆n kơkuh bơnê; inh gô krao apinh Sư, Na Sư gô pơklaih inh đơ̆ng lu ayăt.a
Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.