Horiso 143:6 - Sơ̆p Hlabơar Nơ̆r 'Bok Kei-Dei

⁶ Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Horiso 143:6 Referans Kwoze

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Jop 11:13

Na, dah ih hơmet jơhngơ̆m chă Kră Yang. Păng yơ̆r ti ih gah Sư;

Horiso 88:9

Măt inh đĭ hrŏ, yua kơ ơh sơ'ngon pơmat. Ơ Kră Yang, rim năr inh krao apinh Ih, Inh yơ̆r ti apinh Ih.

Horiso 84:2

Bơhngol inh 'maih dêh năm tơ cham hnam Kră Yang, Inh ôr krao Kră Yang 'Bok Kei-Dei mă arih ling-lang hăm đĭ jơhngơ̆m sĕch akar inh.

Horiso 44:20

Dah lu nhôn đei hiơt kơ anăn Kră Yang 'Bok Kei-Dei lu nhôn, Păng yơ̆r tid năm kiơ̆ yang nai.

Êsai 35:7

Teh chuơh tŏ gô jing dơnâu, teh hrĕng kro gô đei tu đak mơlĕch lơ. Anih đêl kŏ bri oei gô jing đei 'nhĕt gơlăr păng trang.

Yo 7:37

Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Jop 7:2

Thoi bơngai đĭch hơpơi dêh kơ đei yơ̆p, thoi bơngai jang apah chang hơmĕng kơ jên khei,

Horiso 42:3

'Bơ̆t kơplah đe ngăl apinh inh: “Kră Yang 'Bok Kei-Dei ih tơ yơ? Na đak măt pơm tơmam sa inh năr păng măng.

Horiso 88:10

Ih wă pơm tơdrong mơsêh kơ lu bơngai lôch hă? Lu bơngai mă lôch gô iung arih na kơkuh bơnê kơ Ih hă? Sêla