Horiso 142:5 - Sơ̆p Hlabơar Nơ̆r 'Bok Kei-Dei

⁵ Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 142:5 Referans Kwoze

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Horiso 119:57

Kră Yang jing mŭk tơmam inh boih. Inh đei pơkă wă wei răk nơ̆r Ih bơtho tơtă.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Horiso 56:13

Yua kơ Ih dŏng pơklaih bơhngol inh đơ̆ng lôch; Ih kiơ̆ bơwei jơ̆ng inh huay kơ tơpling pơ̆k! Wă kơ inh năm 'bơ̆t anăp Kră Yang 'Bok Kei-Dei arih hơdah hơdong.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Horiso 35:12

Lu sư iŏk tơdrong kơnê̆ mong đêl inh pơm 'lơ̆ng Achăng lê̆ bơhngol inh pă đei hơmĕng kiơ.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!