Horiso 140:6 - Sơ̆p Hlabơar Nơ̆r 'Bok Kei-Dei

⁶ Inh pơma hăm Ih, ơ Kră Yang: “Ih boih Kră Yang 'Bok Kei-Dei inh. Ơ Kră Yang! Apinh Ih mơ̆ng nơ̆r inh krao apinh.”

Horiso 140:6 Referans Kwoze

Horiso 31:14

Mă-lei, ơ Kră Yang! Inh gơnang kơ Ih. Inh khan: “Ih boih Kră Yang 'Bok Kei-Dei inh.”

Horiso 16:2

Inh đei khan păng Kră Yang boih: “Ih boih Kră Yang inh. 'Nguaih kơ Ih inh ưh kơ đei pŭn hiôka nai dơ̆ng.”

Horiso 142:5

Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 119:57

Kră Yang jing mŭk tơmam inh boih. Inh đei pơkă wă wei răk nơ̆r Ih bơtho tơtă.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Horiso 143:1

Ơ Kră Yang, apinh Ih mơ̆ng nơ̆r inh krao khan, pơgling đon Ih mơ̆ng dôm nơ̆r inh krao apinh Ih mơnat. Lăm tơdrong 'lơ̆ng tơpăt, yua kơ Ih tơpăt sĭt, apinh Ih tơl tơwih nơ̆r inh hơpơi.

Horiso 130:2

Ơ Kră Yang! Apinh Ih mơ̆ng nơ̆r inh; Apinh Ih pơgling đon mơ̆ng nơ̆r inh krao apinh.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Horiso 64:1

Ơ Kră Yang 'Bok Kei-Dei, apinh Ih mơ̆ng nơ̆r inh ôr krao. Wei tơdrong arih inh huay kơ hli kơ lu ayăt.

Horiso 57:7

Ơ Kră Yang 'Bok Kei-Dei jơhngơ̆m inh kơjăp, jơhngơ̆m inh kơjăp boih. Inh gô hơri păng hơri bơnê Kơ Sư.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Je 18:22

Ăn kơ đe kơtơ̆ng nơ̆r nhơ̆m hmoi đơ̆ng hnam lu sư, Kơplah Ih ăn bơngai năm blah lu sư ưh kơ tam băt. Yua kơ lu sư sir boih sơlŭng wă kơ rôp inh, Pơm boih hơđong kơ jơ̆ng inh.