Horiso 140:12 - Sơ̆p Hlabơar Nơ̆r 'Bok Kei-Dei

¹² Inh băt Kră Yang gô bơwei lu bơngai pơmat-tat. Sek tơlang tơpăt kơ bơngai dơnuh hin.

Horiso 140:12 Referans Kwoze

Horiso 9:4

Yua kơ Ih wei dŏng păng ăn kơ inh gơh jei; Ih oei tơ kơpal tang-dŏ pơtao sek tơlang tơpăt.

I Pot 8:49

na apinh Ih đơ̆ng kơpal plĕnh đơ̆ng anih mă ih oei mơ̆ng nơ̆r lu sư krao khan hơdrĭ, tơgŭm lu sư tơdrong lu sư apinh Ih,

I Pot 8:45

Apinh ih đơ̆ng kơpal plĕnh mơ̆ng nơ̆r krao khan hơdrĭ lu sư, tơgŭm tơdrong mă lu sư apinh.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Je 22:16

Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Horiso 102:17

Sư gô mơ̆ng nơ̆r lu bơngai pơmat-tat krao khan. Ưh kơ đei pơdê lê̆ dôm nơ̆r lu sư apinh.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Tơdrông Pơđơk 22:22

'Nĕ pơgŏ iŏk tơmam lu bơngai dơnuh hoh; Noh yua kơ sư dơnuh hin răm boih. Kŭm 'nĕ pơjuă pơđep lu bơngai pơmat-tat 'bơ̆t 'măng jang pơlei.

Horiso 72:4

Sư gô sek dŏng lu bơngai dơnuh hin lăm kon pơlei. Dŏng pơklaih lu kon lu bơngai kơ'bah kơ'bôch păng pơrăm lu bơngai pơjuă pơđep đe

Horiso 22:24

Yua kơ Sư ưh kơ đei pơdê, ưh kơ krưp. Tơdrong pơmat kơ lu đe bu mă pơmat-tat, Kŭm ưh kơ đei ôn muh măt Sư kơ đe noh; Mưh lu sư krao apinh Sư, Sư tơl tơwih hloi

Horiso 12:3

Apinh Kră Yang pơtôch đĭ lu bơngai pơma che bơle, Păng lu hơpiĕt mă pơma pơang;

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”