Horiso 14:3 - Sơ̆p Hlabơar Nơ̆r 'Bok Kei-Dei

³ Đĭ-đăng weh tơklah băl, lu sư hiong răm đĭ. Ưh kơ đei bu pơm 'lơ̆ng, Hoh-hoy 'nhŏ kơ minh 'nu.

Horiso 14:3 Referans Kwoze

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Rom 3:23

đĭ-đăng kon bơngai weh ataih đơ̆ng 'Bok Kei-Dei kiơ̆ tơdrong yoch ngăl.

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Horiso 58:3

Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Bôk Bơthô 7:29

Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Horiso 38:5

Yua kơ tơdrong yoch inh, Lu rơka inh ôm păng lĕch đak đuh.

Both 1:35

Ưh kơ đei drŏ-nglo bu lăm adrĕch kơnê̆ âu gô 'bôh dêh 'lơ̆ng rŏ mă Inh đei pơkă wă ăn kơ lu 'bok iĕm.

I Kor 6:5

Inh pơma thoi noh wă kơ iĕm mơlâu. Lơliơ, đĭ dôm kơ iĕm ưh kơ đei bu hơgei gơh sek tơlang tơdrong dah kiơ,

Jop 15:16

Pơma kiơ kơ kon bơngai kơnê̆ yoch păng răm-'băm, Bơngai juăt kơ pơm yoch kơnê̆ thoi lu sư nhă đak 'blăng.

Le 12:30

Pharaôn iung kơplah oei măng, hăm lu bơngai jang kơ sư păng đĭ-đăng bơngai Êyiptơ, đei nơ̆r nhơ̆m hmoi rơông rơang lăm dêh Êyiptơ, yua ưh kơ đei minh pôm hnam ayơ mă ưh kơ đei bơngai lôch.

Le 8:31

Kră Yang pơm lei-lăi thoi nơ̆r Môis apinh, na roi wŏng weh ataih hloi đơ̆ng Pharaôn, đơ̆ng đĭch đam păng đơ̆ng kon pơlei sư, ưh pă đei minh pôm dơ̆ng.

Bl 6:12

Âu, Kră Yang 'Bok Kei-Dei lăng lăm teh đak, 'bôh tơdrong yoch răm, yua kơ đĭ-đăng kon bơngai pơm ăn kơ trong sư kơdih kơpal teh âu răm đĭ.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.