Horiso 135:17 - Sơ̆p Hlabơar Nơ̆r 'Bok Kei-Dei

¹⁷ Đei đon mă-lei ưh kơ kơtơ̆ng păng kư̆m ưh kơ đei kial dui jơhngơ̆m lăm 'bơ̆r.

Horiso 135:17 Referans Kwoze

Je 10:13

Mưh Sư ăn grơ̆m, lu tu đak re jơwa lăm plĕnh. Sư ăn tŭk hơyuh đak tŏk đơ̆ng tôch kơ teh đak. Sư ăn kơmlat đơ̆ng lăm hơmơ̆l 'mi, păng kial lĕch đơ̆ng anih hnam Sư.

Je 51:17

Rim 'nu bơngai jing bơlŭk ưh kơ băt tơdrong kiơ: Lu bơngai hling rup yang hăm maih gô mơlâu đơ̆ng rup yang sư, yua kơ rup lu sư man ưh kơ sĭt chă hơlĕnh đĕch, ưh kơ đei kial dui jơhngơ̆m.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Habakuk 2:19

Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.