Horiso 131:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, jơhngơ̆m inh huay kơ pơư kơdih, măt inh kư̆m huay kơ pơang. Inh kư̆m ưh kơ chơchă tơdrong tih krưp, dah tơdrong hloh kơ ai hnang.

Horiso 131:1 Referans Kwoze

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

Horiso 139:6

Tơdrong hơgei Ih, inh lăng hlĭch mơsêh tơpă. Kơjung dêh inh mah 'mơn pă truh!

Jop 42:3

Kră Yang jet ih bu ưh kơ băt ưh kơ hlôh kiơ, liơ mă pơ̆n ưh kơ ngeh tơdrong Kră Yang wă pơm. Tơpă inh pơma bơih dôm lu tơdrong inh ưh kơ hlôh. Lu tơdrong hlĭch chrơp dêh inh ưh kơ kĕ kơ hlôh.

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 124:1

Isơrael athei khan: “Tơdah Kră Yang ưh kơ gah lu bơ̆n,

Horiso 122:1

Inh hiôk dêh mưh đe khan kơ inh thoi âu: “Bĕ bơ̆n năm tơ hnam Kră Yang.”

Jo 12:3

Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Horiso 133:1

Ơ lăng deh 'lơ̆ng hơiă tơpă 'nhŏng oh oei sa hiôk pơgơ̆p băl.

I Sam 18:23

Lu đĭch đam Sôl roi dơ̆ng dôm lu nơ̆r ei hăm Đawit. Đawit tơl khan: Pơm ŏng pơtao, iĕm tơchĕng tơdrong iĕ đĕch ah? Inh minh 'nu bơngai dơnuh hin păng răm-'băm.

I Sam 16:22

Na Sôl wơh bơngai năm khan kơ Jese: Inh apinh ih ăn kơ Đawit oei tơ âu tơgŭm inh; yua kơ sư pơm kơ jơhngơ̆m inh hiôk.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

Both 17:20

wă kơ jơhngơ̆m klơm klak sư huay kơ pơang păng pơdê kơ lu 'nhŏng oh sư păng huay kơ weh tơ gah 'ma gah 'ngiĕo, achăng lê̆ nơ̆r tơtă 'nâu, wă kơ pơtao păng kon sâu pơtao gơh pơgơ̆r đunh sot oei lăm char Isơrael.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Jang 20:19

Iĕm băt thoi yơ inh pơm đĭch đam 'Bok Kei-Dei bơ̆jang tơdrong sư. Inh ưh kơ pơ̆n pơang akâu kơdih ôh. Inh 'bôh đe ưh kơ lui kơ Kră Yang Yêsu inh kư̆m nhơ̆m hmoi ơh kơdih akâu inh mơ̆n. Na lu bơngai Juđê kư̆m wă rôp pơrăm lê̆ inh.

Je 17:16

Inh ưh kơ sơngah păng kơdâu đơ̆ng tơdrong jang wei-lăng kon triu Ih. Inh ưh kơ wă Ih tuh ăn tơdrong pơmat, Ih băt boih dôm nơ̆r đơ̆ng 'bơ̆r inh pơma 'bơ̆t anăp Ih ngăl.

I Sam 17:15

Mă-lei Đawit kư̆m brŏk năm đơ̆ng anih Sôl, brŏk tơ pơlei Betlehem wei triu 'bă sư.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

II Sam 6:22

Wă kơ đe lăng inh jing bơngai lŭch hloh; inh gô tơjur akâu inh hloh kơ noh dơ̆ng, mă lu bơngai drŏ-kăn awih awăn gô jing pôk pơyom kơ inh hloh.

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.