Horiso 130:4 - Sơ̆p Hlabơar Nơ̆r 'Bok Kei-Dei

⁴ Mă-lei Ih đei jơhngơ̆m huay kơ jô̆ yo wă kơ đe hli yom kơ Ih.

Horiso 130:4 Referans Kwoze

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Da 9:9

Kră Yang 'Bok Kei-Dei Ih đei tơdrong mơnat ăn păng huay kơ jô̆ yo, Ih Kră Yang 'Bok Kei-Dei lu nhôn; mă khan lu nhôn ưh kơ chu Ih.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Kôlôsê 1:14

Kon Sư noh boih huai iŏk bơ̆n, pơklaih bơ̆n đơ̆ng tơdrong yoch.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.