Horiso 130:3 - Sơ̆p Hlabơar Nơ̆r 'Bok Kei-Dei

³ Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

Horiso 130:3 Referans Kwoze

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

Jop 10:14

Ih răp lăng inh hăm đei pơm yoch. Ih ưh kơ mơnat ăn tơdrong yoch inh.

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Jop 15:14

Kon bơngai kiơ, mă gơh 'lơ̆ng rơgoh? Kon bơngai đơ̆ng drŏ-kăn rơneh liơ gơh 'lơ̆ng tơpăt?

Jop 9:20

Mă khan inh bơngai 'lơ̆ng tơpăt huay kơ yoch. Nơ̆r lĕch đơ̆ng 'bơ̆r inh gô jô̆ inh yoch; mă khan inh bơngai tơpăt Sư gô tơ'bôh ăn kơ inh đŏng đĕo.

Both 9:27

Apinh Ih 'blŏk kơ lu đĭch đam Ih, Abraham, Isăk păng Jakôp; păng 'nĕ pă jô̆ dôm tơdrong kơ chu arăng kơ̆l, tơdrong yoch kơnê̆ lu kon pơlei 'nâu.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”