Horiso 13:4 - Sơ̆p Hlabơar Nơ̆r 'Bok Kei-Dei

⁴ Hli kơ bơngai ayăt kơ inh khan: “Sư noh jei inh boih.” Lu ayăt kơ inh 'nă hal wă inh pơ̆k huŏng.

Horiso 13:4 Referans Kwoze

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Tơdrông Pơđơk 12:3

Kon bơngai bơ̆n kơjăp ưh kơ sĭ đơ̆ng pơm tơdrong kơnê̆. Mă-lei bơngai tơpăt gô chăt rơh kơjăp.

Horiso 62:6

Lăp minh 'nu Sư đĕch mă tơmo inh gơnang, Păng dŏng pơklaih inh, Păng anih kơjăp inh, inh ưh pă pơpơ̆.

Horiso 38:16

Inh khan: “'Nĕ ăn kơ lu sư chơt hiôk yua kơ inh! Pơư hloi kơ lu sư kơdih, mưh jơ̆ng inh tơpling.”

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

Nhom 1:16

Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Horiso 112:6

Yua kơ bơngai tơpăt sư gô ưh kơ đei tơdrŏ pơpơ̆! Bơngai 'lơ̆ng tơpăt đe gô 'blŏk kơ sư ling-lang hlŏng hloi.

Horiso 62:2

Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Horiso 35:25

'Nĕ ăn kơ lu sư khan lăm jơhngơ̆m: “Ơ! To, tơdrong mă lu bơ̆n wă,”e Dah khan: “Lu bơ̆n luăn đĭ sư boih.”

Horiso 35:19

'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.

Horiso 10:11

Sư khan lăm jơhngơ̆m. “Kră Yang 'Bok Kei-Dei hiơt boih, Kră Yang ôn muh măt Sư, lăng pă 'bôh boih.”

Horiso 9:19

Ơ Kră Yang iung bĕ. 'Nĕ ăn jei kon bơngai ôh, Sek tơlang bĕ kơ đĭ kon bơngai 'bơ̆t anăp Ih

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.