Horiso 126:3 - Sơ̆p Hlabơar Nơ̆r 'Bok Kei-Dei

³ Kră Yang đei tơgŭm lu nhôn tih tơpă; lu nhôn chơt hiôk.

Horiso 126:3 Referans Kwoze

Luka 1:49

'Noh yua kơ dôm tơdrong mơsêh mơyang đơ̆ng 'Bok Kei-Dei ăn kơ inh tơpă. 'Bok Kei-Dei pơm tơdrong 'lơ̆ng tơpăt ngăl.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Horiso 18:50

Kră Yang ăn kơ pơtao Sư jei jơneig tih tơpă, Sư ăn tơdrong mơnat kơ bơngai mă Sư tuh đak rơmă, kơ Đawit, Păng kơ lu kon, sâu sư ling-lang hloi.

Luka 1:46

Na Mari khan: “Jơhngơ̆m inh bơnê ư-ang kơ Kră Yang dêh,

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Horiso 68:22

Kră Yang khan: “Đơ̆ng kông Basan inh gô chông ba lu sư brŏk. Inh gô chông anhăk lu sư đơ̆ng lu anih jrŭ đak dơsĭ.

Jôel 2:20

Inh gô puh tơweh lu sư mă đơ̆ng gah yă-nơ̆m weh ataih đơ̆ng lu iĕm, păng puh tơmơ̆t lu sư tơ lăm teh hrĕng kro, păng tơ bri brah, puh lê̆ lu sư mă yak adrol huŏng tơ lăm đak dơsĭ gah hơlĕch, păng lu linh đơ̆ng rŏng huŏng tơ lăm dơsĭ gah bơmơ̆t. 'Bâu ôm păng 'bâu khach lu sư yuh đông jơ̆p-jang, yua kơ Kră Yang đei pơm boih tơdrong mơsêh tih.

Jôel 2:21

Ơ teh đak, 'nĕ kơ hli ôh, chơt hiôk 'nă hal bĕ, yua kơ Kră Yang đei pơm boih tơdrong mơsêh tih.