Horiso 123:2 - Sơ̆p Hlabơar Nơ̆r 'Bok Kei-Dei

² Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Horiso 123:2 Referans Kwoze

Horiso 25:15

Măt inh gô pơglăn tơ Kră Yang ling-lang Yua kơ Sư gô pleh jơ̆ng inh đơ̆ng hơnhuăl.

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Bl 32:26

Bơngai noh khan: 'Brưch đĭ wă 'năr boih, achăng inh bĕ; mă-lei Jakôp tơl: Inh ưh kơ ăn ih năm ôh. Tơdah ih ưh kơ đei sơkat ăn kơ inh đei pŭn hiôk.

Horiso 119:82

Măt inh rơmơ̆n chang gô nơ̆r Ih pơkă; Inh khan: “Dang yơ Ih pơlung inh?”

Jôsuê 10:6

Kon pơlei bơngai Gibeôn wơh bơngai năm tơ Jôsuê lăm anih lu sư oei pơdơh tơ Gilgal: Apinh ih 'nĕ kơ achăng lê̆ đĭch đam ih, jah năm mă tĕnh bĕ dŏng pơklaih lu nhôn. Tơgŭm lu nhôn, yua kơ đĭ-đăng pơtao Amôrit oei lăm char groi kông wă năm blah lu nhôn.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

I Pot 1:20

Ơ pơtao yŏng inh, dang ei măt bơngai Isơrael oei lăng tơ ih ngăl wă răp gô ih roi ăn kơ lu sư băt bơngai bu wă hơ-oei kơpal tang-dŏ pơtao tơplih ih.

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”