Horiso 121:8 - Sơ̆p Hlabơar Nơ̆r 'Bok Kei-Dei

⁸ Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

Horiso 121:8 Referans Kwoze

Both 28:6

Kră Yang gô ăn kơ lu iĕm đei pŭn hiôk lăm tôm tơdrong, kơplah iĕm mơ̆t dah lĕch.

Tơdrông Pơđơk 2:8

Sư wei-lăng trong lu bơngai tơpăt, Sư bơwei trong lu bơngai hli yom kơ Sư.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Horiso 113:2

Trŏ hơri bơnê kơ anăn Kră Yang. Đơ̆ng dang ei truh tơ ning-mônh hlŏng hloi.

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Horiso 115:18

Mă-lei lu nhôn gô hơri bơnê kơ Kră Yang. Đơ̆ng dang ei dĭng truh tơ ning-mônh ling-lang hloi, Halêluya!

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

Both 28:19

Đe gô hiap pơtê̆ iĕm lăm tôm tơdrong kơplah iĕm lĕch kơplah iĕm mơ̆t

Horiso 125:2

Lu kông tăp dăr kơ Jêrusalem thoi yơ. Kră Yang wei tăp dăr kơ kon pơlei pơla Sư thoi noh mơ̆n. Đơ̆ng dang ei dĭng truh tơ ning-mônh khŏm khŏm hloi.

Horiso 131:3

Ơ Isơrael, gơnang hơmĕng bĕ kơ Kră Yang. Đơ̆ng dang ei dĭng truh tơ ning-mônh.