Horiso 119:92 - Sơ̆p Hlabơar Nơ̆r 'Bok Kei-Dei

⁹² Tơdah khôi juăt Ih ưh kơ pơm kơ inh hiôk. Lei inh lôch hiong boih, lăm năr inh pơmat-tat.

Horiso 119:92 Referans Kwoze

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Horiso 119:143

Tơdrong pơmat-tat păng tơdrong ơh sơ'ngon truh tơ inh. Mă-lei inh oei hiôk kơ nơ̆r Ih tơtă.

Horiso 119:77

Apinh tơdrong 'mêm mơnat Ih truh tơ inh, wă kơ inh gơh arih, Yua kơ inh hiôk lăm khôi juăt Ih.

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Horiso 119:16

Inh lăp dêh kơ tơdrong juăt Ih, ưh kơ hiơt kơ nơ̆r Ih

Horiso 119:50

Nơ̆r Ih pơkă wă wei tơdrong arih inh. 'Nâu boih tơdrong mă pơlung inh lăm năr pơmat-tat.