Horiso 119:85 - Sơ̆p Hlabơar Nơ̆r 'Bok Kei-Dei

⁸⁵ Lu bơngai pơang sir boih sơlŭng wă pơrăm inh? Noh lu bơngai ưh kơ pơm kiơ̆ khôi juăt Ih.

Horiso 119:85 Referans Kwoze

Tơdrông Pơđơk 16:27

Bơngai kư̆ kă chă pơm tơdrong kơnê̆ kơ đe; 'Bơ̆r nơ̆r pơma thoi pla ŭnh soh chhông sa.

Horiso 35:7

Yua kơ lu sư dăng hơnhuăl kơ inh tơdrong kơ đei. Păng lu sư sir sơlŭng jrŭ wă kơ inhb puh tơdrong kơ đei.

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Horiso 119:78

Thŭ lu pơang mơlâu, Yua kơ lu sư yua tơdrong hơlĕnh pơdăr wă pơrăm inh; Mă-lei inh gô tơchĕng lu nơ̆r Ih bơtho khan.

Horiso 7:15

Sư sir sơlŭng kôch jrŭ, Na lu sư huŏng tơ lăm hơlŭng đêl lu sư sir.

Horiso 36:11

'Nĕ ăn jơ̆ng lu bơngai pơang druh tam inh Kŭm 'nĕ ăn ti lu bơngai pơm kơnê̆ puh tơweh inh.

Je 18:22

Ăn kơ đe kơtơ̆ng nơ̆r nhơ̆m hmoi đơ̆ng hnam lu sư, Kơplah Ih ăn bơngai năm blah lu sư ưh kơ tam băt. Yua kơ lu sư sir boih sơlŭng wă kơ rôp inh, Pơm boih hơđong kơ jơ̆ng inh.