Horiso 119:69 - Sơ̆p Hlabơar Nơ̆r 'Bok Kei-Dei

⁶⁹ Mă lu bơngai pơang đei boih nơ̆r pơma kơnê̆ hơlĕnh kơ inh. Inh gô wei răk dôm nơ̆r Ih bơtho tơtă hăm đĭ jơhngơ̆m.

Horiso 119:69 Referans Kwoze

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Horiso 119:157

Lu bơngai ayăt areh păng pơjuă pơđep inh lơ tơpă; Mă-lei inh ưh kơ đei achăng lê̆ nơ̆r Ih bơtho tơtă.

Jang 24:13

Lu sư jâu inh, mă-lei lu sư ưh kơ đei 'bôh inh pơm kơnê̆ tơdrong kiơ ôh.

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Horiso 119:58

Đĭ jơhngơ̆m inh krao apinh Kră Yang mơnat, Apinh Ih mơnat ăn kơ inh kiơ̆ thoi nơ̆r Ih pơkă.

Horiso 119:51

Lu bơngai pơang, blei hiap inh lơ dêh. Mă-lei inh ưh kơ achăng lê̆ khôi juăt Ih.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.