Horiso 119:66 - Sơ̆p Hlabơar Nơ̆r 'Bok Kei-Dei

⁶⁶ Apinh Ih bơtho inh hlôh wao. Wă kơ inh pơm trŏ. Yua kơ inh lui kơ nơ̆r Ih tơtă.

Horiso 119:66 Referans Kwoze

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Tơdrông Pơđơk 8:20

Inh yak lăm trong tơpăt, băt oei lăm trong trŏ lăp.

Horiso 119:172

Ăn kơ hơpiĕt inh hơri kơ nơ̆r Ih. Yua kơ đĭ nơ̆r Ih tơtă tơpăt ngăl.

Horiso 119:160

Đĭ dôm nơ̆r Ih pơma jơ̆ sĭt tơpă. Dôm nơ̆r tơtă 'lơ̆ng tơpăt Ih oei oei ling-lang,

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

Lu 3:15

Mă-lei mưh kon pơlei Isơrael krao ôr apinh Kră Yang, Kră Yang rơih ăn kơ lu sư minh 'nu 'bok dŏng pơklaih, anăn sư Êhut, kon drŏ-nglo Gêra, sư adrĕch Bênjamin. 'Noh bơngai juăt kơ yua ti gah 'ngiĕo. Kon pơlei Isơrael wơh sư chĕp ba tơmam ra ăn kơ Eglôn, pơtao Môap.