Horiso 119:63 - Sơ̆p Hlabơar Nơ̆r 'Bok Kei-Dei

⁶³ Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Horiso 119:63 Referans Kwoze

Horiso 101:6

Măt inh gô hnhoi kiơ̆ lu bơngai tơpăt lăm tơring. Lu sư gô oei hơdai hăm inh; Bu kiơ̆ trong tơpăt, bơngai noh gô bơ̆jang kơ inh.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

Horiso 119:79

Apinh Ih ăn kơ lu bơngai hli yom kơ Ih brŏk hơlơ̆k tơ inh, wă kơ lu sư băt kơ tơdrong juăt Ih.

Horiso 142:7

Apinh Ih dui iŏk bơhngol inh đơ̆ng anih phak pơmat. Wă kơ inh bơnê kơ anăn Ih lu bơngai tơpăt gô oei tăp kơ inh. Yua kơ Ih pơm 'lơ̆ng kơ inh.

Horiso 119:115

Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

Horiso 122:8

Yua kơ lu 'nhŏng oh păng bôl buăl inh. Inh khan: “Ăn tơdrong hiôk-hian tơ lăm ih.”