Horiso 119:46 - Sơ̆p Hlabơar Nơ̆r 'Bok Kei-Dei

⁴⁶ Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Horiso 119:46 Referans Kwoze

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Markôs 8:38

Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.