Horiso 119:45 - Sơ̆p Hlabơar Nơ̆r 'Bok Kei-Dei

⁴⁵ Inh gô yak nơnăm rơngei, yua kơ inh kiơ̆ chơchă tơdrong Ih bơtho tơtă.

Horiso 119:45 Referans Kwoze

Horiso 119:133

Apinh Ih ăn kơ rim yak inh kơjăp lăm nơ̆r Ih. 'Nĕ ăn tơdrong kơnê̆ kiơ̆ pơgơ̆r inh.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Tơdrông Pơđơk 4:12

Kơplah ih năm, ih yak huay kơ pơgăn, Mưh ih kơdâu, ih huay kơ kơtơih pơ̆k.

Horiso 119:94

Inh gah Ih boih, apinh Ih dŏng pơklaih inh; inh chă dôm nơ̆r Ih bơtho tơtă.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.

Ya 2:12

Tôm tơdrong juăt 'Bok Kei-Dei pơkă wă kơ bơ̆n kiơ̆, Sư wă kơ bơ̆n klaih đơ̆ng tơdrong yoch jing rơngei. Yua kơ thoi noh na bơ̆n athei pơma rĕng đon păng pơm kiơ̆ tôm tơdrong Sư pơkă noh ling-lang, yua kơ ning-mônh Sư wă sek tơlang lu bơ̆n kiơ̆ kơ tơdrong Sư pơkă noh tơpă.

Êphêsô 5:17

Thoi noh na bơ̆n athei kơchăng oei mă hơđơ̆ng 'nĕ kơ pơm thoi bơngai kơhlôh, adrol kơ wă pơm athei tơchĕng lăng 'mơ̆i wă kơ băt Kră Yang lăp đon kơ bơ̆n pơm dah ưh.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Tơdrông Pơđơk 18:1

Bu arih hơdrô̆ kuă kơ hơdai bơngai noh chơchă kiơ̆ kơdih wă, Kuă kơ chu kiơ̆ tơdrong tơchĕng trŏ.

Horiso 119:162

Inh hiôk chơt kơ nơ̆r Ih pơkă thoi lu đe blah iŏk đei tơmam lơ.

Horiso 119:148

Măt inh kral prăt măng ưh kơ tep, wă kơ tơchĕng kơ nơ̆r Ih pơkă.

Horiso 119:19

Inh jơ̆ minh 'nu bơngai tơmoi oei kơpal teh. Apinh 'nĕ ôn kơ inh dôm nơ̆r Ih tơtă.

Horiso 119:71

Inh đei tơdrong pơmat, trŏ 'lơ̆ng tơpă. Wă kơ inh hŏk iŏk kiơ̆ khôi juăt Ih.

Horiso 119:32

Inh gô kơdâu kiơ̆ trong Ih tơtă. Dah Ih pơih jơhngơ̆m inh să,