Horiso 119:40 - Sơ̆p Hlabơar Nơ̆r 'Bok Kei-Dei

⁴⁰ Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 119:40 Referans Kwoze

Yo 10:10

Bơngai chă tơtông truh, sư wă tơtông iŏk đĕch păng wă pơrăm đĕch. Mă-lei inh truh tơ âu wă ăn kơ triu arih păng hiôk chơt tơpă.

Horiso 119:20

Bơhngol inh hơkĕ hrŏ chang hơpơi ling-lang wă kơ băt dôm tơdrong juăt Ih.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Horiso 119:159

Apinh Ih lăng inh 'mêm kơ nơ̆r Ih bơtho khan dang yơ! Ơ Kră Yang, apinh wei tơdrong arih inh kiơ̆ thoi tơdrong 'mêm Ih.

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Êphêsô 2:5

mă khan bơ̆n bơngai dang lôch yua kơ tơdrong yoch, mă-lei dang ei bơ̆n kư̆m dang Sư tơiung lu bơ̆n thoi Yêsu Krist boih. Bơ̆n gơh klaih đơ̆ng tơdrong yoch yua kơ Sư mơnat ăn.

Galati 5:17

Dah jơhngơ̆m đon iĕm kuă kiơ̆ Yang Bơhngol 'Lơ̆ng bơtho, thoi noh Yang Bơhngol 'Lơ̆ng lăng jơhngơ̆m đon tơdrong iĕm pơm ưh kơ layơ wă 'blep trŏ thoi Sư wă. Jơhngơ̆m đon iĕm păng Yang Bơhngol 'Lơ̆ng, bre sư pơjrot băl, na iĕm ưh kơ gơh pơm kiơ̆ kơ iĕm wă ôh.

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Horiso 119:156

Ơ Kră Yang, tơdrong 'mêm mơnat Ih tih tơpă. Apinh wei tơdrong arih inh kiơ̆ khôi juăt Ih.

Horiso 119:149

Ơ Kră Yang, kiơ̆ kơ tơdrong 'mêm Ih, apinh Ih mơ̆ng nơ̆r inh apinh, Apinh wei tơdrong arih inh kiơ̆ kơ tơdrong juăt Ih.

Horiso 119:107

Ơ Kră Yang! Inh pơmat-tat dêh; Apinh Ih pơrih inh dơ̆ng kiơ̆ thoi nơ̆r Ih.

Horiso 119:88

Apinh Ih ăn kơ inh gơh arih Kiơ̆ kơ tơdrong 'mêm Ih, Na inh gô wei răk nơ̆r Ih bơtho khan.

III Yo 1:2

Ơ oh, inh krao khan apinh 'Bok Kei-Dei ăn kơ ih liĕm akâu păng wei-lăng ih tôm tơdrong, thoi Sư ăn kơ ih lui kơjăp dang ei.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Markôs 9:24

'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Horiso 119:5

Ô! Rŏ kơ trong inh gơh kơjăp; Wă kơ inh kĕ kiơ̆ khôi juăt Ih!