Horiso 119:34 - Sơ̆p Hlabơar Nơ̆r 'Bok Kei-Dei

³⁴ Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Horiso 119:34 Referans Kwoze

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Horiso 119:73

Tơpang ti Ih pơjing păng man inh; Ăn kơ inh 'ngok hlôh wao, wă kơ inh hŏk kiơ̆ nơ̆r tơtă Ih.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Horiso 119:69

Mă lu bơngai pơang đei boih nơ̆r pơma kơnê̆ hơlĕnh kơ inh. Inh gô wei răk dôm nơ̆r Ih bơtho tơtă hăm đĭ jơhngơ̆m.

Horiso 119:58

Đĭ jơhngơ̆m inh krao apinh Kră Yang mơnat, Apinh Ih mơnat ăn kơ inh kiơ̆ thoi nơ̆r Ih pơkă.

Horiso 119:10

Inh chă Ih hăm đĭ jơhngơ̆m. 'Nĕ ăn kơ inh weh đơ̆ng nơ̆r Ih tơtă.

Mathiơ 5:19

Thoi noh na dah bu tŭk minh apăk dah minh nơ̆r tơdrong juăt iĕ ioch păng sư bơtho đe wă kơ đe tŭk mơ̆n, bơngai 'noh 'Bok Kei-Dei jô̆ sư bơngai iĕ hloh kơ đĭ-đăng lăm lu bơngai lui. Mă-lei dah bu kiơ̆ trŏ kơ tơdrong juăt păng sư bơtho đe wă kơ đe pơm kiơ̆ mă trŏ mơ̆n, bơngai 'noh gơh pơm tih lăm lu bơngai lui.

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

I Ho 22:12

Apinh Kră Yang ăn kơ ih tơdrong gơh hơgei hlôh wao wă kơ ih pơgơ̆r wei-lăng lu bơngai Isơrael wă kơ ih răk kiơ̆ tơdrong juăt Kră Yang 'Bok Kei-Dei ih.

Horiso 39:2

Inh ĕnh pơăm, ưh pă đei pơma, Dĭng mah nơ̆r 'lơ̆ng pă đei lĕch đơ̆ng 'bơ̆r inh, Tơdrong pơmat-tat inh rai tŏk.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 119:66

Apinh Ih bơtho inh hlôh wao. Wă kơ inh pơm trŏ. Yua kơ inh lui kơ nơ̆r Ih tơtă.

Horiso 119:100

Inh hlôh wao hloh kơ lu kră. Yua kơ inh wei răk dôm nơ̆r Ih tơtă.

Horiso 119:104

Đơ̆ng nơ̆r Ih bơtho khan na inh hlôh wao, thoi noh na inh areh kơ trong hơlĕnh.

Horiso 119:125

Inh đĭch đam Ih, Apinh Ih ăn kơ inh tơdrong hlôh wao. Wă kơ inh gơh băt hlôh kơ nơ̆r Ih bơtho khan.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 119:144

Nơ̆r Ih bơtho khan jơ̆ tơpăt ling-lang hlŏng hloi. Ăn kơ inh hlôh wao, wă kơ inh gơh arih.

Horiso 119:169

Ơ Kră Yang, ăn kơ nơ̆r inh ôr krao truh tơ Ih. Ăn kơ inh hlôh wao, kiơ̆ kơ nơ̆r Ih.