Horiso 119:28 - Sơ̆p Hlabơar Nơ̆r 'Bok Kei-Dei

²⁸ Inh lĕch đak măt nhơ̆m hmoi, yua kơ sơ'ngon. Apinh Ih ăn kơ inh đei jơhngơ̆m pran kiơ̆ kơ nơ̆r Ih.

Horiso 119:28 Referans Kwoze

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Êsai 40:29

Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.

Horiso 107:26

Hơtŏk lu sư kơjung truh tơ plĕnh, đơ̆ng noh tơjur truh tơ jrŭ hloh. Jơhngơ̆m lu sư pơchah, yua kơ pơmat.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.

Horiso 20:2

Apinh đơ̆ng anih rơgoh, gơih ăn tơdrong tơgŭm ih Păng đơ̆ng Siôn tơgŭm dŏng ih,

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.