Horiso 119:19 - Sơ̆p Hlabơar Nơ̆r 'Bok Kei-Dei

¹⁹ Inh jơ̆ minh 'nu bơngai tơmoi oei kơpal teh. Apinh 'nĕ ôn kơ inh dôm nơ̆r Ih tơtă.

Horiso 119:19 Referans Kwoze

I Ho 29:15

Yua kơ 'bơ̆t anăp Ih lu nhôn păng lu yă 'bok nhôn jơ̆ bơngai tơmoi, chăl arih lu nhôn tơ kơpal teh nhen thoi ngôi ưh kơ đei anih wă hơmĕng.

Horiso 39:12

Ơ Kră Yang 'Bok Kei-Dei! Mơ̆ng bĕ nơ̆r inh krao apinh, mơ̆ng bĕ nơ̆r inh krao ôr. Apinh Inh 'nĕ kơ chĭt đon kơ đak măt inh nhơ̆m. Yua kơ inh thoi bơngai tơmoi. Bơngai tơmoi mă oei thoi yă 'bok inh.

Horiso 119:10

Inh chă Ih hăm đĭ jơhngơ̆m. 'Nĕ ăn kơ inh weh đơ̆ng nơ̆r Ih tơtă.

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.

II Kor 5:6

Thoi noh na mă nhôn oei hrŭk akâu so, tam mă oei hơdai Kră Yang Yêsu Krist tơ plĕnh ti, jơhngơ̆m nhôn oei hiôk ling-lang.

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Luka 9:45

Mă khan Yêsu pơma hơdah tơdrong noh, lu sư ưh kơ hlôh păng lu sư kư̆m ưh kơ pơ̆n jet Yêsu.

Jop 39:17

Yua kơ Kră Yang 'Bok Kei-Dei ưh kơ ăn tơdrong gơh hơgei kơ sư, Kŭm ưh kơ đei asong ôh tơdrong hlôh wao kơ sư.

Horiso 39:13

Ơ Kră Yang! Apinh Ih mơnat kơ inh. Wă kơ inh đei jơhngơ̆m dơ̆ng, Adrol kơ inh wă năm păng ưh pă đei dơ̆ng.”