Horiso 119:139 - Sơ̆p Hlabơar Nơ̆r 'Bok Kei-Dei

¹³⁹ Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 119:139 Referans Kwoze

Yo 2:17

Lu bơngai pơhrăm păng Sư kơtơ̆ng Sư pơma thoi noh lu sư 'blŏk kơ tơdrong đe chih khan lê̆ hơdrol lăm sơ̆p hla bơar 'Bok Kei-Dei thoi âu: “Tơdrong hưch hanh kơ hnam Ih dang luăn sa inh.”

Horiso 69:9

Yua kơ tơdrong hưch hanh kơ Hnam Ih dang luăn sa inh. Tơdrong đe hiĕk pơjăm Ih 'bơm boih tơ inh.

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

Mathiơ 22:29

Yêsu khan kơ lu sư: “Iĕm ưh kơ hlôh tơdrong noh yua kơ iĕm ưh kơ pơwao sơ̆p hla bơar 'Bok Kei-Dei, na iĕm ưh kơ băt Sư gơh pơm tôm tơdrong.

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’

Mathiơ 21:16

Na lu sư năm khan kơ Yêsu: “Ih hăm kơtơ̆ng lu đe hơ'lơ̆p pơma ei?” Yêsu khan: “Kơtơ̆ng. Bĭ iĕm tam mă đŏk lăng ôh hă đe chih roi tơdrong 'Bok Kei-Dei thoi âu: Ơ Kră Yang, Ih ăn kơ lu hơ'lơ̆p păng lu bơngai nge băt pơma bơnê ư-ang kơ Ih?”

Mathiơ 21:13

Sư khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đe krao khan kơ Inh lăm noh,’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam âu thoi lĕ kơ anih hnam đe tơtông klĕ.”

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Horiso 53:4

Lu bơngai pơm kơnê̆ hăm trŏ kơ lu sư bơngai kơ hlôh kơ băt? Lu sư luăn sa kon Pơlei Inh, thoi sa 'bĕng, Păng kư̆m kuă kơ apinh Kră Yang 'Bok Kei-Dei.

I Pot 19:14

Êli tơl: “Jơhngơ̆m inh oei adrin dêh yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi Ih pơlôch lu bơngai khan lê̆ adrol hăm đao gưm pă minh 'nu inh oei arih, dang ei lu sư kư̆m oei chă wă pơlôch inh.

Horiso 69:10

Mă inh nhơ̆m ơh, păng ơ̆t kơ sŏng sa. Noh kư̆m pơm kơ inh mơlâu.