Horiso 119:125 - Sơ̆p Hlabơar Nơ̆r 'Bok Kei-Dei

¹²⁵ Inh đĭch đam Ih, Apinh Ih ăn kơ inh tơdrong hlôh wao. Wă kơ inh gơh băt hlôh kơ nơ̆r Ih bơtho khan.

Horiso 119:125 Referans Kwoze

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

II Tim 2:7

Ơ Timôthê, ih tơchĕng lăng bĕ dôm nơ̆r inh pơma kơ ih yua kơ 'Bok Kei-Dei gô ăn kơ ih hlôh lăm tôm tơdrong lăm đon ih.

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Tơdrông Pơđơk 9:10

Băt hli yom kơ Kră Yang, noh tơm tơdrong gơh hơgei; Băt hlôh kơ Kră Yang Rơgoh, noh boih tơdrong hlôh wao.

Horiso 119:94

Inh gah Ih boih, apinh Ih dŏng pơklaih inh; inh chă dôm nơ̆r Ih bơtho tơtă.

Horiso 119:66

Apinh Ih bơtho inh hlôh wao. Wă kơ inh pơm trŏ. Yua kơ inh lui kơ nơ̆r Ih tơtă.

Horiso 119:29

Apinh wei inh weh ataih đơ̆ng trong glăi. Apinh Ih mơnat bơtho ăn kơ inh băt kơ khôi juăt Ih.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 86:16

Ôi! Apinh Kră Yang lăng inh păng mơnat kơ inh. Apinh Ih ăn tơdrong pran kơtang kơ lu đĭch đam Ih. Apinh pơklaih kon drŏ-nglo đam drŏ-kăn Ih.