Horiso 119:124 - Sơ̆p Hlabơar Nơ̆r 'Bok Kei-Dei

¹²⁴ Apinh Ih pơm hăm lu đĭch đam kiơ̆ kơ tơdrong 'mêm Ih, Păng bơtho inh lu khôi juăt Ih.

Horiso 119:124 Referans Kwoze

Horiso 119:12

Ơ Kră Yang, inh hơri ư-ang kơ Ih; Apinh bơtho inh tơdrong juăt Ih.

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Horiso 130:7

Ơ Isơrael, chang hơmĕng bĕ kơ Kră Yang; Yua kơ Kră Yang 'mêm mơnat Sư ăn tơdrong dŏng pơklaih lơ;

Horiso 119:132

Apinh Ih hue lăng păng mơnat kơ inh, Kŭm thoi Ih ngăl juăt 'mêm kơ lu bơngai bu mă 'mêm kơ anăn Ih.

Horiso 119:26

Inh đei roi boih trong inh kơ Ih. Na Ih đei tơl tơwih kơ inh; apinh Ih bơtho inh dôm tơdrong juăt Ih.

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Horiso 69:13

Mă-lei ơ Kră Yang! Inh krao apinh kơ Ih! Ơ Kră Yang 'Bok Kei-Dei lăm tơdrong Ih 'mêm mơnat apinh Ih tơl tơwih nơ̆r inh, Hăm tơdrong dŏng pơklaih sĭt Ih.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 69:16

Ơ Kră Yang! Apinh Ih tơl tơwih kơ inh, yua kơ tơdrong 'mêm 'lơ̆ng Ih; Kiơ̆ kơ tơdrong 'mêm mơnat Ih, apinh wih tơ inh.

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Horiso 119:41

Ơ Kră Yang, ăn kơ tơdrong 'mêm Ih truh tơ inh. Tơdrong Ih dŏng pơklaih kiơ̆ kơ nơ̆r Ih đei pơkăm.

Horiso 79:8

Apinh Ih 'nĕ pă 'blŏk, 'nĕ pă jô̆ dôm tơdrong yoch kơnê̆ lu yă 'bok nhôn sơ̆; Apinh tơdrong 'mêm mơnat Ih tĕnh tĕnh tơgŭm lu nhôn, yua kơ lu nhôn pơmat dêh boih.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Horiso 119:88

Apinh Ih ăn kơ inh gơh arih Kiơ̆ kơ tơdrong 'mêm Ih, Na inh gô wei răk nơ̆r Ih bơtho khan.