Horiso 119:109 - Sơ̆p Hlabơar Nơ̆r 'Bok Kei-Dei

¹⁰⁹ Tơdrong arih inh ngăl đei hli hơmơt, Mă-lei inh ưh kơ hiơt kơ khôi juăt Ih.

Horiso 119:109 Referans Kwoze

Lu 12:3

'Bôh iĕm ưh kơ đei dŏng pơklaih inh ôh, na inh ăn akâu inh lôch năm blah kon pơlei Ammôn, na Kră Yang pơjao lu sư lăm tơpang ti inh. Thoi noh, liơ mă năr 'nâu lu iĕm năm truh tơ âu wă blah inh?

I Kor 15:31

Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.

Jop 13:14

Liơ inh lê̆ akâu inh kơdih lăm tơdrong hli krưp, păng chĕp tơdrong arih inh lăm ti?

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

Horiso 119:152

Kư̆ kiơ̆ kơ nơ̆r Ih bơtho, inh băt boih đơ̆ng sơ̆: Ih pơjing nơ̆r tơtă noh oei oei ling-lang.

Horiso 119:117

Apinh Ih dŏng tơgŭm inh, na inh hơđơ̆ng. Wă kơ inh pơm kiơ̆ kơ khôi juăt Ih ling-lang.

Horiso 119:83

Yua kơ inh jing thoi get akar 'nhek 'nhoi. Mă-lei inh ưh kơ hiơt kơ khôi juăt Ih.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?

Horiso 119:16

Inh lăp dêh kơ tơdrong juăt Ih, ưh kơ hiơt kơ nơ̆r Ih