Horiso 119:106 - Sơ̆p Hlabơar Nơ̆r 'Bok Kei-Dei

¹⁰⁶ Inh đei pơkăm păng wei răk nơ̆r pơkăm. Inh gô kiơ̆ nơ̆r Ih tơtă tơpăt,

Horiso 119:106 Referans Kwoze

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Horiso 56:12

Ơ Kră Yang 'Bok Kei-Dei, tơdrong inh pơkă hăm Ih,g inh gô pơsĭt. Inh gô pơyơ̆r tơmam soi bơnê kơ Ih.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

Horiso 119:115

Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Mathiơ 5:33

“Iĕm kơtơ̆ng boih tơdrong đe bơtho lu khŭl kră sơ̆ thoi âu: ‘Bu pơkă kơ đe mah hiap akâu sư kơ 'Bok Kei-Dei, bơngai noh ưh kơ gơh hơlĕnh, ưh kơ gơh anul ôh, bơngai noh athei pơm 'blep thoi sư pơkă tơpă.’

Jôsuê 24:16

Mă-lei kon pơlei tă kơ tơl: “Lu nhôn pơkă ưh kơ wă weh achăng Kră Yang păng kư̆m ưh kơ wă kơkuh kơ yang nai ôh.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

Ne 10:30

Lu nhôn pơkă ưh kơ ăn ôh kon drŏ-kăn lu nhôn iŏk klo đơ̆ng adrĕch char âu păng kư̆m ưh kơ gơh iŏk oei kon drŏ-kăn lu sư oei kơ kon drŏ-nglo lu nhôn.