Horiso 119:103 - Sơ̆p Hlabơar Nơ̆r 'Bok Kei-Dei

¹⁰³ Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Horiso 119:103 Referans Kwoze

Tơdrông Pơđơk 8:11

Tơdrong hlôh wao gĭt hloh kơ jơmŏng; Kŏng pơting hloh kơ dôm mŭk ih 'maih wă.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Horiso 63:5

Bơhngol inh phĭ thoi lĕ sa 'ngăl păng rơmă. 'Bơ̆r inh gô ư-ang hăm hơkŭng hơri bơnê kơ Ih.

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Tơdrông Pơđơk 3:17

Lu trong sư jơ̆ chơt hiôk, Păng đĭ-đăng trong sư đei hiôk-hian.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Tơdrông Pơđơk 2:10

Yua kơ tơdrong gơh hơgei gô mơ̆t tơ lăm jơhngơ̆m ih, Tơdrong hlôh wao gô pơm kơ bơhngol ih hiôk chơt.

Êsêkiên 3:3

Na Sư khan kơ inh: “Ơ kon bơngai, iŏk sa bĕ sơnôm hla bơar Inh ăn kơ ih sa mă phĭ 'bĕnh kơ klak.” Thoi noh inh sa, 'băt 'ngam thoi đak sut lăm 'bơ̆r inh.

Tơdrông Tơ'bôh 10:10

Thoi noh na inh iŏk hla bơar iĕ noh đơ̆ng ti linh jang, na luŏn sa hloi. Lăm 'bơ̆r inh, inh mơn kơ 'ngam thoi đak sut; mưh inh luŏn hlôi boih, lăm klak inh, inh mơn kơ tăng.