Horiso 119:1 - Sơ̆p Hlabơar Nơ̆r 'Bok Kei-Dei

¹ Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 119:1 Referans Kwoze

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.

Horiso 101:6

Măt inh gô hnhoi kiơ̆ lu bơngai tơpăt lăm tơring. Lu sư gô oei hơdai hăm inh; Bu kiơ̆ trong tơpăt, bơngai noh gô bơ̆jang kơ inh.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Tơdrông Pơđơk 13:6

Tơdrong tơpăt băt wei bơngai oei sa 'lơ̆ng tơpăt Mă-lei tơdrong kơnê̆ teh pơrăm lê̆ lu bơngai pơm kư̆ kă.

II Sam 22:22

Inh wei răk kiơ̆ trong Kră Yang bơtho. Ưh kơ đei pơm kơnê̆ achăng lê̆ Kră Yang 'Bok Kei-Dei inh.

Tơdrông Pơđơk 29:18

Tơ yơ ưh kơ đei pơdah tơ'bôh ôh kon pơlei oei rơngei pơm yoch, Mă-lei bu wei khôi juăt đei pŭn hiôk!